ფსიქოზები მალარიული

ძირითადად აღმოცენდება მალარიის შეუპოვარი მიმდინარეობის დროს შეტევათა შორის აპირეტიულ მდგომარეობებში. მიმდინარეობს მწვავედ (ცნობიერების დაბინდვა დელირიული ან ამენციური ტიპით, მანიაფორმული და ჰალუცინაციური ჩართვებით, ცნობიერების ბინდისებური დარღვევა ეპილეფსიფორმული აგზნებით). პროტრაჰირებულად (ძირითადად მანიაფორმული სიმპტომატიკით, რომელიც აღწევს აბნევის ხარისხს) და ქრონიკულად (ორგანული ფსიქოსინდრომის წარმოშობით). ზოგჯერ ფ.მ. განპირობებულია ენცეფალიტების განვითარებით, რაც იწვევს პიროვნების დეფექტს (ე. ნაკაშიძე, 1938; Молохов А.И., 1953; Ьуграбян А.А., Оганесян В.О, 1956)