მრისხანება

მძაფრი აფექტის მდგომარეობა, მწვავედ აღმოცენდება და სწრაფად გაივლის. ხშირად მიმდინარეობს მოძრაობითი აგზნებით და აგრესიულ-დამანგრეველი ტენდენციებით. დამახასაითებელია ვეგეტატიური რეაქციები: სახის გაწითლება და გაფითრება, ტაქიკარდია, თავის ტკივილი (ხშირად მრისხანების შეტევის შემდეგ). მ-ის რეაქციები აღენიშნებათ როგორც ფსიქიკურად ჯანმრთელ პირებს (ჩვეულებრივ იგი მიმდინარეობს გამომწვევ მიზეზთან შედარებით ადეკვატურად და ძირითადად კონტროლირდება), ასევე ფსიქიკური დაავადებების დროს – ნევროზების დროს. ფსიქოპათიურ პირებში, თავის ტვინის ორგანული დაზიანებისას (ცერებრული ათეროსკლეროზი, პოსტტრავმული ენცეფალოპათია, ეპილეფსია და სხვ.). პათოლოგიურ ნიადაგზე აღმოცენებული მ-ის რეაქციები გამოირჩევა მათი გამომწვევი ფსიქოგენური ფაქტორის და მათი გამოხატულების ხარისხის შეუსაბამობით. მრისხანების მანიის დროს მ-ის მდგომარეობა ხანგრძლივია