Rus. наркотическое средство ნივთიერება, გარდამავალი ნივთიერება ან ნივთიერებათა ნარევი, სამკურნალწამლო ან ქიმიური დანიშნულების, ბუნებრივი ან სინთეზური წარმოშობის, რომელსაც ქვეყნის კომპეტენტური ორგანოს მიერ მინიჭებული აქვს შესაბამისი სტატუსი. ნ.ს-ის სტატუსის მისანიჭებლად ნივთიერება უნდა აკმაყოფილებდეს 2 კრიტერიუმს: პირველი – სამედიცინო, უნდა ახდენდეს მოქმედებას ცნს-ზე, რის გამოც მოიხმარება არასამედიცინო მიზნითაც; მეორე – სოციალური, ამ ნივთიერების არასამედიცინო მიზნით მოხმარების მასობრიობა. ამ კრიტერიუმების არსებობისას ნარკოტიკულ ნივთიერებებს მიენიჭება მესამე – იურიდიული კრიტერიუმი ანუ შეიტანება ნარკოტიკული ნივთიერებების სიაში როგორც ნ.ს.
Source: ფსიქიატრიული ენციკლოპედია / შემდგ.: აკაკი გამყრელიძე, ნანა ნიკოლაიშვილი. - თბ. : მერანი-3, 1999 (მერანი-3). - 468გვ. ; 28სმ.. - ბიბლიოგრ.: გვ. 465-467. - ISBN 99928-34-40-4.