ობლომოვის სინდრომები

სახელწოდება დაკავშირებულია ი. გონჩაროვის ამავე სახელწოდების რომანის გმირის სახელთან. 1. აღწერილია (Mascioni A., 1959; Deitrich H., 1965) მაღალი თანამდებობის და უზრუნველყოფილი ოჯახებიდან გამოსულ ფსიქოპათიურ პიროვნებებში. დამახასიათებელია უნებისყოფობა, აპათია, სიზარმაცე. ეს პირები ხანგრძლივად მოითხოვენ უფროსებისაგან მზრუნველობას და მფარველობას, დახმარებას, ოჯახში არიან ტირანები. ხშირად მათ აღენიშნებათ იპოქონდრიულობა, ფობიური განცდებისადმი მიდრეკილება (აგორაფობია, კარდიოფობია, თანატოფობია). 2. (Wermut W., 1975) ვლინდება დეპრესიულ ავადმყოფებში დილით საწოლიდან ადგომის გაძნელებით