პლოტიჩერის ტიპოლოგია დეპრესიისა

დამყარებულია კლინიკურ-ფსიქოპათოლოგიურ კრიტერიუმებზე პათფიზიოლოგიური თავისებურებების გათვალისწინებით. შეიცავს საკლასიფიკაციო ექვს მიმართულებას: კლინიკური სურათის მიხედვით – სტრესულ-ჰიპერერგიული, ტორპიდულ-ჰიპოერგიული დეპრესიების ტიპი და გართულებული (ობსესიებით, სენესტოპათიებით, ბოდვით) დეპრესიები; აფექტის სტაბილურობის მიხედვით – მყარი და ლაბილური ტიპი; ავადმყოფობის შეცნობის მიხედვით – სრული ნოზოგნოზია, ნაწილობრივი ნოზოგნოზია, ანოზოგნოზია, ჰიპერანოზოგნოზია; დაავადების პოლარულობის მიხედვით – დეპრესია დაავადების მონო- და ბიპოლარულ სტრუქტურაში; მიმდინარეობის მიხედვით – ერთჯერადი (ეპიზოდური), ციკლური (ფაზური) და მრავალწლიანი (რიგიდული); ეტიოლოგიური და ნოზოლოგიური მიკუთვნების მიხედვით – ცირკულარული, ინვოლუციური, სისხლძარღვოვანი, შიზოფრენიული, ეპილეფსიური, პუერპერალური, ინფექციური, ალკოჰოლური. სამკურნალწამლო, სიტუაციური. ისტერიული, ფსიქოპათიური, სომატოგენური და შერეული გენეზისა. Плотичер А.И., 1964