რაიხარდტის სიმპტომები

1. Rus. Рейхардта симптомы
   (Reichardt M.). თეთრი ცხელებით შეპყრობილი ავადმყოფის მიერ სუფთა ფურცლის დათვალიერებისას შთაგონებული მხედველობითი ჰალუცინაციების აღმოცენება. ჰალუცინაციური სახეები მცირე ზომისაა, ცვლადი, შავი ან ფერადი, მოძრავი და უძრავი. რ.ს. აღინიშნება დელირიუმისათვის დამახასიათებელი მხედველობითი ჰალუცინაციების შეწყვეტის შემდეგ და აიხსნება ალკოჰოლიზმით დაავადებულთა აწეული შთაგონებადობით და თავისებური „ჰალუცინაციური მზადყოფნით“. აღწერილია 1905წ.
   Synonym: სიმპტომი თეთრი ფურცლისა
   See also: სიმპტომები გაპოხილი სახისა, სიმპტომი შთაგონებული ჰალუცინაციებისა
2. თავისებური „გაზეთილი სახე“ კატატონიური შიზოფრენიით დაავადებულებში კანის ცხიმის ჯირკვლების სეკრეციული ფუნქციის დარღვევის შედეგად. შეიძლება აგრეთვე აღინიშნებოდეს ენცეფალიტების დროს.
   Source: ფსიქიატრიული ენციკლოპედია / შემდგ.: აკაკი გამყრელიძე, ნანა ნიკოლაიშვილი. - თბ. : მერანი-3, 1999 (მერანი-3). - 468გვ. ; 28სმ.. - ბიბლიოგრ.: გვ. 465-467. - ISBN 99928-34-40-4.