სქესის იდენტიფიკაციის დარღვევები მოზარდებსა და მოზრდილებში არატრანსსექსუალური ტიპით

აღნიშნული პათოლოგიის დროს არ წარმოიშობა სურვილი, მოხდეს საწინააღმდეგო სქესისათვის დამახასიათებელი ცვლილებები, მაგრამ გამოხატულია საკუთარი ანატომიური აღნაგობით განპირობებული მყარი დისკომფორტი. გამოვლინდება წარმოსახვით ან რეალურ ცხოვრებაში გამოხატული ტრანსვესტული მიდრეკილებით: დიაგნოსტიკური კრიტერიუმები შემდეგია: ა) საკუთარი სქესობრივი აღნაგობით განპირობებული მყარი ან განმეორებადი დისკომფორტის და არასრულფასოვნების გრძნობა; ბ) არასექსუალური დაკმაყოფილებით განპირობებული მყარი ან განმეორებითი გარდასახვა საწინააღმდეგო სქესში წარმოსახვაში ან რეალურ ცხოვრებაში (შდრ.: ტრანსვესტული ფეტიშიზმი); გ) უკანასკნელი ორი წლის განმავლობაში არ არის გამოხატული საკუთარი ანატომიური თავისებურებების მოცილების და საწინააღმდეგო სქესის ანატომიური თავისებურებების შეძენის დაუძლეველი სურვილი, როგორც ტრანსსექსუალიზმის დროს