Rus. Урбаха-Витте синдром მემკვიდრეობითი დაავადება, ხასიათდება კანისა და ლორწოვანი გარსების დაზიანებით, მათში მკვრივი მოყვითალო პროტეინ-ლიპიდების დაგროვებით, პაპილომატოზით, ქალასშიგა ორმხრივი კალცინოზით („ანგელოზის ფრთები“), ცილოვანი და ნახშირწყლოვანი ცვლის მოშლით. ადრევე აღინიშნება ხმის ჩახლეჩა ხორხისა და ხმის იოგების დაზიანების გამო. გვიან იცვლება სარძევე კბილები. ფსიქიკის მხრივ – ეპილეფსიფორმული გულყრები (დიდი ან ფსიქომოტორული), მეხსიერების მნიშვნელოვანი დაქვეითება შედარებით შენარჩუნებული ინტელექტის ფონზე, ფსიქიკური ინფატილიზმის მოვლენები. მემკვიდრეობის ტიპი – ავტოსომურ-რეცესიული. Urbach E., Weithe C., 1924
Source: ფსიქიატრიული ენციკლოპედია / შემდგ.: აკაკი გამყრელიძე, ნანა ნიკოლაიშვილი. - თბ. : მერანი-3, 1999 (მერანი-3). - 468გვ. ; 28სმ.. - ბიბლიოგრ.: გვ. 465-467. - ISBN 99928-34-40-4.