Rus. Шевалева феномен запоздалой реактивности აღწერილია დროში გადანაცვლებული რეაქტიული მდგომარეობების დროს. ასეთი ტიპის რეაქტიული მდგომარეობების აღმოცენებას უკავშირებენ ან გარკვეული მომენტების არსებობას, რომლებიც ახდენს შთაბეჭდილებების ფსიქიკური გადამუშავების დამუხრუჭებას, ან თვით გადამუშავების პროცესის შენელებას. ეს რეაქტიული მდგომარეობები შინაარსით შესაძლებელია იყოს უშუალოდ დაკავშირებული მატრავმირებელ სიტუაციასთან („გასაგები“) ან შინაგანი გადამუშავების შედეგად შეცვლილი. პერიოდი ფსიქოგენიასა და მოგვიანებულ რეაქციას შორის ხასიათდება როგორც რეაქციის ინტრაფსიქიკური სტადია. პროგნოზი შედარებით არაკეთილსაიმედოა. Шевалёв Е.А., 1935
Source: ფსიქიატრიული ენციკლოპედია / შემდგ.: აკაკი გამყრელიძე, ნანა ნიკოლაიშვილი. - თბ. : მერანი-3, 1999 (მერანი-3). - 468გვ. ; 28სმ.. - ბიბლიოგრ.: გვ. 465-467. - ISBN 99928-34-40-4.