ფსიქიკური აქტივობა

ფსიქიკის ერთ-ერთი მახასიათებელი, რომელზეც დამოკიდებულია ფსიქიკური მოქმედების პროდუქციულობა, განისაზღვრება ადამიანის ინდივიდუალურ-პიროვნული თვისებებით, სურვილებით, სასიცოცხლო ტონუსით. არ წარმოადგენს კონსტანტურ კატეგორიას. შეიძლება მსჯელობა გარკვეული პიროვნებისათვის ფ.ა-ის უპირატეს დონეზე, თუმცა, სიცოცხლის მანძილზე იგი განიცდის აღმასვლას და ვარდნას, რაც დამოკიდებულია როგორც ბიოლოგიურ, ისე სოციალურ მომენტებზე. ფ.ა. ყოველთვის არ შეესაბამება აზროვნებითი მოქმედების მიმდინარეობის დონეს, ადამიანის უნარს, რის გამოც, რიგ შემთხვევებში გამოხატული ფ.ა-ის დროს მიღწევები შეიძლება იყოს უმნიშვნელო