ფსიქოზები კარდიოგენური

განპირობებულია გულის მძიმე, მწვავე ან ქრონიკული პათოლოგიით (მიოკარდიუმის ინფარქტი, არითმიის შეტევები, სტენოკარდია და გულის მოქმედების სხვა დარღვევები). მწვავე ფსიქოზები კ. მიმდინარეობს მწვავე ეგზოგენური რეაქციების ტიპით, ცნობიერების დაბინდვით ობნუბილაციის სახით (გაბრუება, ზოგჯერ კომა). ხშირია ფსიქომოტორული აგზნება, მოუსვენრობა, სენესტოპათიები, ორმაგი ორიენტირების მოვლენები. კორონარულ-ცერებრული სინდრომის არსებობის დროს (Боголепов П.К., 1949) შესაძლებელია ანოზოგნოზიის მოვლენები. ფსიქოზები კ-ის ქრონიკული, გახანგრძლივებული ფორმები აღინიშნება გულის მზარდი უკმარისობის დროს; ამ დროს აღინიშნება ასთენიურ-დეპრესიული მდგომარეობები, შიში, შფოთვა, ზოგჯერ – არაადეკვატური ეიფორია