ალკოჰოლიზმის კლასიფიკაცია ელინეკის მიხედვით

კლასიფიკაციის მიხედვით გამოიყოფა ალკოჰოლიზმის 5 ფორმა:

1) ალფა – ალკოჰოლიზმი დაკავშირებულია ალკოჰოლისადმი დამოკიდებულებასთან, როდესაც ალკოჰოლი ხდება ყოველგვარი უსიამოვნო განცდის (დაძაბულობა, ნეგატიური ემოციები და ა.შ.) აცილების საშუალებად. ალკოჰოლის ერთჯერადი დოზები არ არის დიდი, მაგრამ სუბიექტი არ უწევს კონტროლს საკუთარ ქცევას, გარემოებებს, საზოგადოებრივ ნორმებს. ზიანდება ინტერპერსონალური დამოკიდებულებები. აბსტინენციური სინდრომი გამოხატული არ არის. სუბიექტი ნებისმიერ დროს თავს ანებებს სმას;

2) ბეტა – ალკოჰოლიზმი გამოწვეულია სოციალური გარემოებებით (ვითარდება იმ რეგიონებში, სადაც არსებობს „სმის კულტურა“). გართულებები დაკავშირებულია ძირითადად კვების მოშლასთან. აბსტინენციური სინდრომი გამოხატული არ არის. პროგრედიენტულობა არ ჩანს. მიღებული ალკოჰოლის რაოდენობა კონტროლირდება;

3) გამა – ალკოჰოლიზმი გამოხატულია: ალკოჰოლისადმი ფსიქიკური და ფიზიკური დამოკიდებულება, აბსტინენციური სინდრომი, რაოდენობრივი კონტროლის დაქვეითება, ალკოჰოლისადმი დაუძლეველი ლტოლვა, ქცევითი დარღვევები, პროგრედიენტულობა;

4) დელტა – ალკოჰოლიზმი დამახასიათებელია ფიზიკური დამოკიდებულება, თავშეუკავებლობა, აბსტინენციური სინდრომი, სუსტი პროგრედიენტულობა;

5) ეპსილონ – ალკოჰოლიზმი პერიოდული ლოთობა მძიმე გართულებებით. (Jellinek E.M., 1962)