ფსიქოზები გრიპოზული

სომატოგენური ინფექციური ფსიქოზის სახე. საწყისი სტადია ხასიათდება დისფორიულ-აპათიური სინდრომით (Целибеев Б.А., 1972). მიმდინარე მძიმე ასთენიის ფონზე. ხშირია ამენციური, დეპრესიული და მანიაფორმული მდგომარეობები. აფექტური სინდრომენი გამოირჩევა ატიპურობით და ხშირად თან ახლავს აბნევის მოვლენები. არჩევენ ტოქსიკურ და ენცეფალიტურ ფორმებს. დვორკინა (Дворкина И.Я., 1975) აღნიშნავს, რომ უკანასკნელი გვხვდება იშვიათად, იმ შემთხვევებში, როცა უხეში ნევროლოგიური სიმპტომატიკა აღინიშნება უკვე დაავადების დასაწყისში ან მწვავე პერიოდის ჩამთავრებისთანავე, შესაძლებელია დემენციის და პათოხასიათობრივი ცვლილებების არსებობა. ხშირად გრიპი ახდენს შიზოფრენიის მანიფესტაციის პროვოცირებას. ამ დროს კლინიკური სურათი თავდაპირველად ატარებს მწვავე ეგზოგენური ტიპის რეაქციების ხასიათს, მაგრამ მალევე ვლინდება მყარი ჰალუცინაციურ-პარანოიდული სინდრომი, მიმდინარე პროგრესული ემოციური გაღარიბების ფონზე