შიჰანის სინდრომი

(Sheehan H.L., 1937). აღინიშნება ჰიპოფიზის წინა წილის ნაწილობრივი ნეკროზის დროს მშობიარობის შემდგომ პერიოდში თრომბოემბოლიასთან დაკავშირებით (მასიური სისხლდენის შემდეგ. მშობიარობის შემდგომი სეფსისის დროს). აღმოცენდება ჰიპოპიტუიტარიზმი, რაც განაპირობებს სხვა ენდოკრინული ჯირკვლების ფუნქციათა დარღვევას. ხასიათდება ორი სახის ნიშნით: I. სომატური ნიშნები: აგალაქტია, თმის ცვენა, კანის სიმშრალე და სიფერმკრთალე, არტერიული წნევის და სხეულის ტემპერატურის დაქვეითება. ჰიპოჰემოგლობინებია, თავის ტკივილი, ძილიანობა, შემცივნება, ყაბზობა, ძირითადი ცვლის დაქვეითება. შესაძლებელია განვითარდეს კოლაფსის და კომატოზური მდგომარეობები. II. ფსიქიკური ნიშნები: ასთენია, აპათია, ემოციური სიჩლუნგე, მეხსიერების შესუსტება, ზოგჯერ ქცევის დარღვევები, აგრესიული ტენდენციები. რიგ შემთხვევებში ვითარდება ეგზოგენური ხასიათის ჰალუცინაციურ-პარანოიდული სინდრომი