ჰალუცინოზი ათეროსკლეროზული ქრონიკული

(Суханов С.А., 1904-19061). ქრონიკული ჰ-ის სახე. გვხვდება იშვიათად, უმეტესად ქალებში. ხანგრძლივი დროის განმავლობაში ავადმყოფები ინარჩუნებენ კრიტიკულ დამოკიდებულებას პათოლოგიური განცდების მიმართ და განასხვავებენ მათ რეალური შთაბეჭდილებებისაგან. მხოლოდ ზოგჯერ აღიქმება ჰალუცინაციები როგორც რეალური მოვლენა. ჰალუცინაციები თავდაპირველად წარმოადგენს იზოლირებულ მონოსიმპტომურ აშლილობებს; ათეროსკლეროზის გაღრმავვბასთან ერთად აღინიშნება მისი დამახასიათებელი ნიშნების გაძლიერება: მეხსიერების შესუსტება, ინტელექტუალური დაქვეითება, განურჩევლობა. იკარგება კრიტიკული დამოკიდებულება ჰალუცინაციების მიმართ. ჰალუცინაციების შინაარსი ხშირად ნეიტრალურია, ეხება უბრალო ცხოვრებისეულ მოვლენებს. დაავადების მიმდინარეობასთან, ერთად ჰალუცინაციებმა შეიძლება მიიღოს ფანტასტიკური ხასიათი. ქრონიკულ ჰალუცინოზს სუხანოვი თავდაპირველად აკუთვნებდა ცერებრული ათეროსკლეროზის კლინიკას, მაგრამ შემდგომში (1914) – პრესენილურ ფსიქოზებს. თუმცა, ეს უკანასკნელი ავტორის მიერ განიხილებოდა როგორც მხოლოდ სხვადასხვა ეტიოლოგიის ფსიქოზების კრებითი ჯგუფი, რომლებიც უპირატესად აღმოცენდება მოგვიანებით ასაკში. შემდგომი წლების გამოკვლევები ადასტურებს ქრონიკული ვერბალური, ჰალუცინოზის გამოყოფის მართებულობას ცერებრული ათეროსკლეროზის ფარგლებში (Фрумкин Я.Н., 1957. Штернберг Э.Я., 1969)