ალკოჰოლური ენცეფალოპათიები ქრონიკული კორსაკოვისა

მწვავე ალკოჰოლური ენცეფალოპათიის ვარიანტი ვითარდება, ჩვეულებრივ, ატიპური ალკოჰოლური დელირიუმის შემდეგ. ხასიათდება პოლინევრიტით კიდურთა კუნთების სხვადასხვა გამოხატულების ატროფიით, მყესთა რეფლექსების დაქვეითებით ან გაქრობით და ფსიქიკური ცვლილებებით (ამნეზია, ხშირად ანტერორეტროგრადული, რეტროგრადული და ფიქსაციური, დეზორიენტირება. კონფაბულაციები და ფსევდორემინისცენციები). პათოლოგანატომიურად – მწვავე ან ქრონიკული ხასიათის დიფუზური ცვლილებები ნერვულ უჯრედებში, მათი დაღუპვა, განსაკუთრებით, ქერქის III შრეში. წვრილი სისხლჩაქცევები ქერქში, ტვინის ღეროში, III პარკუჭის მიდამოში, ზურგის ტვინში და პერიფერიულ ნერვებში. მსუბუქ შემთხვევებში მიმდინარეობა შეიძლება იყოს რეგრედიენტული, ფსიქიკური მდგომარეობის შედარებითი გაუმჯობესებით დაახლოებით ერთი წლის განმავლობაში. ზოგჯერ შესაძლებელია გამოჯანმრთელებაც, შედარებით მძიმე შემთხვევებში ფორმირდება ჭკუასუსტობა. განსაკუთრებით ავთვისებიანად მიმდინარე შემთხვევებში შესაძლებელია ლეტალური გამოსავალი.(Корсаков С.С., 1887)