ჰიპერკინეზი

ფუნქციური და ორგანული გენეზის ავტომატური ნაძალადევი მოძრაობები კუნთთა უნებლიე შეკუმშვების სახით. პეტელინის (Л.Петелин) მიხედვით. ჰიპერკინეზი იყოფა თავის ტვინის დაზიანების დონის მიხედვით: 1) თავის ტვინის ქერქი და ქერქქვეშა წარმონაქმნები (ეპილეფსიური კრუნჩხვები); 2) ქერქქვეშა კვანძები (ქიორეა, ათეტოზი. ტორსიელი დისტონია, ჰემიბალიზმი და სხვ.); 3) ტვინის ღერო (ორგანული ტრემორის სხვადასხვა სახეები, მიოკლონია. ტორტიკოლიზი და სხვ.)