ჰიპონოიური მექანიზმები კრეჩმერისა

რეაგირების არქაული ტიპი, ვლინდება წარმოდგენების ფორმირებით და შერწყმით მაშინ, როცა ჰიპობულიურ მექანიზმებში დომინირებს ემოციურ-ნებითი გამოვლინებები. ჰიპონოიური მექანიზმები აღინიშნება პათოლოგიაშიც და ნორმაშიც (სიზმარი, ოცნებები ცხადში, მხატვრული შემოქმედების საწყისი სტადია, მითოლოგია და პირველყოფილ ხალხთა ცელოვნება). ჰიპონოიური აზროვნება ყოველთვის კატათიმიურია ანუ დამოკიდებულია არა ლოგიკურ კატეგორიებზე, არამედ აფექტებზე, სურვილებზე, შიშებზე. ჰიპონოიური მექანიზმების კონცეფციის შესაბამისად, კრეჩმერი განიხილავდა შიზოფრენიულ აზროვნებას, აგრეთვე აზროვნებითი მოქმედების თვისებურებებს ისტერიული ბინდისებრი ცნობიერების დროს, ჰიპნოზირებულთა განცდებს, რომელთათვისაც დამახასიათებელია ლოგიკური აზრის არარსებობა (ასინტაქსურობა) და სიმბოლური ხატოვნება. ჰიპონოიური აზროვნების ანალიზი ტარდებოდა ფსიქოანალიზური სიმბოლიკის პოზიციიდან. Kretschmer E., 1922