ბარბიტურატიზმის ინტოქსიკაციური გამოვლინებები

ბარბიტურატებით მსუბუქი ინტოქსიკაცია მოგვაგონებს ალკოჰოლურ სიმთვრალეს. აღინიშნება შეკავება, დისკოორდინაცია, აზროვნების და მეხსიერების გაძნელება, მეტყველებისა და გაგების პროცესის შენელება, კრიტიკის დაქვეითება, სექსუალური აგრესიული იმპულსების განმუხრუჭება, ყურადღების დიაპაზონის შევიწროება, ემოციური ლაბილობა, პიროვნული ხაზების გამკაცრება. შეკავებითი მოვლენები რედუცირებას განიცდის რამდენიმე საათში, ხოლო კრიტიკის, გუნება-განწყობის და მოძრაობითი დარღვევები შეიძლება გაგრძელდეს 10-22 საათის განმავლობაში. თრობის სურათში აღსანიშავია ჭირვეულობა, მრისხანება, მტრული დამოკიდებულება. ზოგ შემთხვევაში – პარანოიდული იდეები და სუიციდური ტენდენციები. ნევროლოგიურად – ნისტაგმი, დიპლოპია, ატაქსიური სიარული, რომბერგის პოზაში არამდგრადობა, ჰიპოტონია, დისმეტრია, ზედაპირული რეფლექსების გაცხოველება. ნარკომანიით დაავადებულთათვის სასიკვდილო დოზა ინდივიდუალურია და მერყეობს 3:1, 50:1