ანამნეზი

ავადმყოფის, მისი დაავადების განვითარების, გარემოს შესახებ ცნობების ერთობლიობა, რომელიც მიღებულია ავადმყოფის (სუბიექტური ანამნეზი) და მისი გარემომცველი პირების (ობიექტური ანამნეზი) გამოკითხვით. არჩევენ ანამნეზს: ფსიქიატრიულს (ფსიქიკური განვითარების თავისებურებანი, პიროვნების პრემორბიდული ხაზები, მემკვიდრეობა, ინტერესების და გატაცების წრე, სასწავლო პროცესში მოსწრება, მავნე ჩვევების არსებობა და ა.შ.); სოციალურს (საყოფაცხოვრებო პირობები, სოციალური მიკროგარემოს დახასიათება, ურთიერთობა კოლექტივში, საზოგადოებაში); ფარმაკოლოგიურს (ავადმყოფის მიერ მიღებული მედიკამენტები და მათი ეფექტურობა, გვერდითი მოვლენები, ზოგიერთი პრეპარატის მიმართ აუტანლობა); ეპიდემიოლოგიურს (ავადმყოფის საცხოვრებელი ადგილის. ინფექციური დაავადებების შესახებ ცნობები). ფსიქიატრიულ ანამნეზში განსაკუთრებული მნიშვნელობა ენიჭება დაავადების, ცხოვრების, მემკვიდრეობის, ოჯახურ და ა.შ. ანამნეზს.