Rus. олигофазияGk. Phasis – მეტყველება (Бернштеин А.И., 1912) ეპლეფსიით დაავადებულებში მეტყველების დარღვევის ძირითადი და დამახასიათებელი სიმპტომი. ავადმყოფს უჭირს ნაჩვენები საგნების დასახელება. მწვავე გულყრისშემდგომი ოლიგოფაზია წარმოადგენს ამნეზიურ-აფაზიურ კომპლექსს, ხოლო მუდმივი ან ზოგადი პროგრესირებადი ოლიგოფაზია (Фрумкин Я.И., 1938) აღინიშნება გულყრათშორის მდგომარეობებში და ხასიათდება დაავადების მიმდინარეობის პროგრესირებასთან ერთად სიტყვიერი მარაგის გაღარიბებით. უკანასკნელი დამოკიდებულია ეპილეფსიური ჭკუასუსტობის გამოხატულების ხარისხსა და ხასიათზე. წარმოადგენს ეპილეფსიის სპეციფიკურ ნიშანს (Блейхер В.М., 1963).
Source: ფსიქიატრიული ენციკლოპედია / შემდგ.: აკაკი გამყრელიძე, ნანა ნიკოლაიშვილი. - თბ. : მერანი-3, 1999 (მერანი-3). - 468გვ. ; 28სმ.. - ბიბლიოგრ.: გვ. 465-467. - ISBN 99928-34-40-4.