Rus. Морита терапияL. Morita S., 1919 სპეციფიკური იაპონური ფსიქოთერაპიული მეთოდი. დამყარებული ძენ-ბუდიზმის პრინციპებზე. მოწოდებულია ნევრასთენიის სამკურნალოდ. საჭიროა ავადმყოფის ხანგრძლივად მოთავსება საავადმყოფოში. პირველი კვირის განმავლობაში – დაბნელებულ ოთახში, იზოლაციის პირობებში. ავადმყოფმა თვითონ უნდა დაძლიოს საკუთარი ავადმყოფური განცდები, შეგრძნებები, პრობლემები. შემდგომ 40-60 დღის განმავლობაში მკურნალობის რეჟიმში შედის დასაქმების ელემენტები. შრომითი თერაპია. ამ შემთხვევაშიც აუცილებელია ავადმყოფის იზოლაცია ახლობლებისა და მეგობრებისაგან. დაუშვებელია საკუთარ სიმპტომებზე მსჯელობა გარშემომყოფებთან. მიზანი – პიროვნების გარდაქმნა თვითდაკვირვების, თვითჩაღრმავების გზით. შემდგომში ერთვება ჯგუფური ფსიქოთერაპია
Source: ფსიქიატრიული ენციკლოპედია / შემდგ.: აკაკი გამყრელიძე, ნანა ნიკოლაიშვილი. - თბ. : მერანი-3, 1999 (მერანი-3). - 468გვ. ; 28სმ.. - ბიბლიოგრ.: გვ. 465-467. - ISBN 99928-34-40-4.