ცნობიერების აშლის სინდრომი. დამახასიათებელია აღქმის ზღურბლის მნიშვნელოვანი აწევა გარე გამღიზიანებელზე, ასოციაციების წარმოქმნის გაძნელება, მათი მიმდინარეობის შენელება. წარმოდგენები ღარიბია. გარემოში ორიენტირება არასრულია ან სავსებით არ არის. გამოხატულია ბრადიფსიქიზმი. კითხვები აღიქმება ძნელად, მათზე პასუხები არასრულია, უზუსტოა. გაბრუებიდან გამოსვლის შემდეგ – ამნეზია. არაკეთილსაიმედო მიმდინარეობის დროს გადადის სოპორში და კომაში. ვალტერ-ბიუელის (Walter-Büel H., 1951) მიხედვით, გაბრუება არის ფსიქიკური მოქმედების პარეზი
Synonym: ცნობიერების გაბრუების სინდრომი
Source: ფსიქიატრიული ენციკლოპედია / შემდგ.: აკაკი გამყრელიძე, ნანა ნიკოლაიშვილი. - თბ. : მერანი-3, 1999 (მერანი-3). - 468გვ. ; 28სმ.. - ბიბლიოგრ.: გვ. 465-467. - ISBN 99928-34-40-4.