ფსიქოლოგია განწყობისა

მიმართულება ფსიქოლოგიაში, შეისწავლის განწყობის აღმოცენებისა და გამოვლენის კანონზომიერებებს და თვით განწყობის ფსიქოლოგიურ არსს. ჩამოყალიბდა საქართველოში დ. უზნაძის განწყობის თეორიის საფუძველზე. ამ მიმართულებით გაშლილი კვლევა-ძიება მოიცავს განწყობის გამოვლინებებს ადამიანის ფსიქიკის ყველა სფეროში. განწყობის ზოგადფსიქოლოგიური კვლევის შედეგად დადგინდა მისი ისეთი თვისებები, რომლებიც ინტერინდივიდუალურად მნიშვნელოვნად განსხვავებულ ფორმაში ვლინდება სხვადასხვა ტიპის პიროვნებაში, არსებითად იცვლება სხვადასხვა დაავადების დროს და გენეტიკურადაც განსხვავებულია