Rus. дебилность двигательная (Dupré E., 1910). ბავშვთა ასაკის დაავადება, ხასიათდება მოძრაობათა უუნარობით, არასრულფასოვნებით, რომელიც არ შეესაბამება ყოველდღიურ მოთხოვნებს. ეს არიან ბავშვები, რომელთაც უჭირთ მკვეთრი და რთული მოძრაობები. სინდრომის შემადგენელია: 1) პარატონია – კუნთების ნებითი მოდუნების გაძნელება; 2) სინკინეზია – ზედმეტი, თანმხლები მოძრაობები; 3) კოორდინაციის დარღვევა. არსებობს მოსაზრება, რომ სინდრომს საფუძვლად უდევს პირამიდული გზის თანდაყოლილი ან შეძენილი პათოლოგია (არამკვეთრად გამოხატული ბავშვთა ენცეფალოპათია), რომელიც მიმდინარეობს მოძრაობითი ფუნქციის ნებითი შეკავების უკმარისობით. ხშირად შერწყმულია გონებრივ ჩამორჩენილობასთან. შდრ.:
Source: ფსიქიატრიული ენციკლოპედია / შემდგ.: აკაკი გამყრელიძე, ნანა ნიკოლაიშვილი. - თბ. : მერანი-3, 1999 (მერანი-3). - 468გვ. ; 28სმ.. - ბიბლიოგრ.: გვ. 465-467. - ISBN 99928-34-40-4.