დეპო-პრეპარატები

გახანგრძლივებული მოქმედების სამკურნალო პრეპარატები. უმეტესად გამოიყენება ამბულატორიული შემანარჩუნებელი მკურნალობის დროს. მათი გამოყენებით, ერთი მხრივ, მიიღწევა პრეპარატების მომდევნო დოზების მიღებას შორის შუალედის გაზრდა, ხოლო, მეორე მხრივ, ორგანიზმში მისი სტაბილური, მუდმივი კონცენტრაციის შენარჩუნება. გახანგრძლივებული მოქმედება დამოკიდებულია ჰიდროქსილურ რადიკალზე, რომელთანაც მიერთებულია გამახანგრძლივებელი ნაერთი. ხანგრძლივობა მერყეობს 10-იდან 28 დღემდე. ფსიქიატრიაში გამოიყენება მოდიტენ-დეპო (ფლუფენაზინ დეკანოატი), ჰალოპერიდოლ-დეპო (ჰალოპერიდოლ დეკანოატი), ჰიპორტილი, ფლურშპირილენი (იმაპი), პენფლურიდოლი (სემაპი), ფლუპენტიქსოლ დეკანოატი, კლოპენტოქსილ დეკანოატი და ა.შ.