ფსიქოზი ისტერიული

აღმოცენდება ფსიქოგენურად, ჩვეულებრივად, ძლიერი ფსიქიკური ტრავმის შემდეგ, დიდ როლს ასრულებს კონსტიტუციური წინაგანწყობა, რეაგირების ისტერიული ფორმისადმი მიდრეკილება. უფრო ხშირი კლინიკური ვარიანტებია: ბოდვისმაგვარი ფანტაზიები, გაზნერის სინდრომი, ისტერიული სტუპორი, ფსევდოდემენცია, პუერილიზმი, ფსიქიკის რეგრესიის სინდრომი („გაველურება“), ისტერიული დეპრესია. ისევე როგორც ისტერიული ნევროზების დროს ისტერიული ფსიქოზის პათოგენეზში მნიშვნელოვან როლს ასრულებს „დაავადებაში გაქცევის“ და ავადმყოფური სიმპტომის „პირობითი სიამოვნების ან სასურველობის“ მექანიზმი (Свядощ А.М., 1982). ყოველ კონკრეტულ შემთხვევაში ფსიქოზის კლინიკა შედარებით იშვიათად განისაზღვრება ერთ-ერთი აღნიშნული სინდრომით, ხშირად ისინი ენაცვლება ან ერწყმის ერთმანეთს