მწვავედ აღმოცენებული დევნის ტრანზიტორული ბოდვა. ჩვეულებრივ, შინაარსით ახლოა კონკრეტულ სიტუაციასთან, თან ახლავს ვერბალური ილუზიები, ჰალუცინაციები, შფოთვის, შიშის აფექტი, მიზეზი სხვადასხვაგვარია, მაგრამ უმეტესად ლაპარაკია რამდენიმე პათოგენური ფაქტორის კომპლიკაციაზე. მწვავე პარანოიის სახედ შეიძლება ჩაითვალოს გარე ვითარების პ. რიგ შემთხვევებში მწვავე პარანოიის სიმპტომატიკა წარმოადგენს პარანოიდული შიზოფრენიის დებიუტს. განსაკუთრებით სომატური დაავადების, ინტერკურენტული ინფექციის ნიადაგზე (მაგ., პარანოიდული შიზოფრენიის მანიფესტაცია გრიპოზულ ინფექციასთან დაკავშირებით)
Source: ფსიქიატრიული ენციკლოპედია / შემდგ.: აკაკი გამყრელიძე, ნანა ნიკოლაიშვილი. - თბ. : მერანი-3, 1999 (მერანი-3). - 468გვ. ; 28სმ.. - ბიბლიოგრ.: გვ. 465-467. - ISBN 99928-34-40-4.