თავის ტკივილი სისხლძარღვოვანი. არაშაკიკის ტიპისა

აღმოცენდება ექსტრა- და ინტრაკრანიალური არტერიების გაფართოების შედეგად, მაგრამ არ არის დაკავშირებული მათ მეორად დილატაციასთან. აღმოცენების მიზეზები: ა) სისტემური ინფექციები, მიმდინარე სხეულის ტემპერატურის აწევით; ბ) ჰიპოქსიური მდგომარეობები; გ) მოწამვლა CO–თი; დ) ნიტრიტების, ნიტრატების, სხვა ქიმიური ნივთიერებების გამოყენება, რომლებიც იწვევს სისხლძარღვთა დილატაციას; ე) პოსტკონვულსიური მდგომარეობები; ვ) გამოზარხოშების სინდრომი; ზ) რეაქცია უცხო ცილებზე; თ) ჰიპოგლიკემია და ჰიპერკაპნია; ი) არტერიული წნევის მკვეთრი მომატება; კ) ესენციალური არტერიული ჰიპერტონიის ზოგიერთი შემთხვევა; ლ) ცერებრული სისხლძარღვოვანი უკმარისობა; მ) სისხლის ზოგიერთი დაავადება; ნ) ნატრიუმის ბენზოატის (კოფეინის) აღკვეთის სინდრომი (caffeine withdrawal); ო) ცერებრული ათეროსკლეროზის ზოგიერთი შემთხვევა