ათეროსკლეროზი თავის ტვინის სისხლძარღვთა

დაავადება, გამოწვეული თავის ტვინის სისხლძარღვთა კედლის ათეროსკლეროზული ცვლილებებით – არტერიის შიგნითა გარსის ლიპოიდური ინფილტრაციით, შემდგომში მის კედლებში შემაერთებელი ქსოვილის განვითარებით. აღნისნული ცვლილებების შედეგად ტვინის არტერიები კარგავს ელასტიკურობას, სანათური ვიწროვდება, თანდათანობით უარესდება თავის ტვინის ქსოვილების სისხლმომარაგება. მიმდინარეობა პროგრედიენტული, მაგრამ რემისიებით. საწყის სტატიაზე – ასთენია, გართულებული დამატებითი სიმპტომებით (ასთენიურ–დეპრესიული, ასთენიურ-ფობიური, ასთენიური პოქონდრიული სინდრომი), ხასიათის პრემორბიდული ხაზების გამკაცრება. ღრმავდება მეხსიერების ცვლილებები – იოლი დისმნეზიურიდან პარა- და ამნეზიურამდე. შესაძლებელია მდგომარეობის მწვავე გაუარესება თავის ტვინის სისხლის მიმოქცევის მწვავე მოშლასთან, დარბილების კერების წარმოშობასთან დაკავშირებით, რაც იწვევს აფაზიურ-აგნოზიურ-აპრაქსიული დარღვევების აღმოცენებას. გამოსავალი – დემენცია, მარაზმი. ავთვისებიანი ვარიანტი – ბინსვანგერის დაავადება