ფსიქოლოგიაში: ფსიქიკის შინაგანი სტრუქტურების ფორმირება გარეგანი სოციალური მოქმედების სტრუქტურების ათვისების გზით, ი. განიხილება როგორც საგნობრივი მოქმედების სტრუქტურის გარდაქმნა ცნობიერის შინაგან სტრუქტურად. რუბინშტეინის (Рубинштеин С.Я., 1957) მიხედვით, შინაგანი პირობები ფორმირდება გარეგანი ზემოქმედების შედეგად. (გერმ. Verinnerlichung). ფსიქოანალიზში: პროცესი, რომლის დროსაც პიროვნებათშორისი ურთიერთობები გარდაიქმნება შიგაპიროვნულ დამოკიდებულებად. ცნება ი. გამოიყენება ინტერპერსონალური დამოკიდებულების როლის ასახსნელად არაცნობიერის ფორმირებაში, რომელიც თავის მხრივ, გავლენას ახდენს ცნობიერის სტრუქტურაზე.
Source: ფსიქიატრიული ენციკლოპედია / შემდგ.: აკაკი გამყრელიძე, ნანა ნიკოლაიშვილი. - თბ. : მერანი-3, 1999 (მერანი-3). - 468გვ. ; 28სმ.. - ბიბლიოგრ.: გვ. 465-467. - ISBN 99928-34-40-4.
to main page 
top of page