გასტოს (H. Gaustaut, 1975) მიხედვით, ტერმინი არასწორი და უმართებულოა, მის ქვეშ იგულისხმება: 1) ეპილეფსიური გულყრების და ისტერიული შეტევების ერთდროული არსებობა ერთი და იგივე ავადმყოფში, რაც თუმცა შესაძლებელია, მაგრამ უსაფუძვლოა ასეთი ერთობლიობის ცალკე ნოზოლოგიურ ერთეულად გამოყოფა; 2) გულყრები ეპილეფსიურის მსგავსია, თუმცა, გამოიწვევა და წყდება შთაგონებით ანუ არსით ისტერიულია; 3) ისტერიფორმული ეპილეფსიური გულყრები. საქართველოში პირველად აღწერა ა. გოცირიძემ (1936 წ).
Source: ფსიქიატრიული ენციკლოპედია / შემდგ.: აკაკი გამყრელიძე, ნანა ნიკოლაიშვილი. - თბ. : მერანი-3, 1999 (მერანი-3). - 468გვ. ; 28სმ.. - ბიბლიოგრ.: გვ. 465-467. - ISBN 99928-34-40-4.