კანდინსკი-კლერამბოს სინდრომი

(Кандинский В.Х., 1880: Clérambault 1920). ფსიქიკური ავტომატიზმის სინდრომი. მოიცავს ფსევდოჰალუცინაციებს, დევნის ფსიქიკური და ფიზიკური ზემოქმედების ბოდვით იდეებს. ფსიქიკური ავტომატიზმის მოვლენებს. ავადმყოფის აზრები თითქოს მიედინება მისი ნების გარეშე, თითქოს სხვისია. დამახასიათებელია აზრების, ქცევების გაუცხოება, „ნაძალადევი“ აზროვნების მოვლენები, ავადმყოფები ჩივიან რომ მათი აზრები გასაგები ხდება სხვებისთვის, იკითხება დისტანციაზე (გახსნილობის სიმპტომი), „ართმევენ“ ან პირიქით „უნერგავენ“ მათ. აღინიშნება აზრების ნაძალადევი მოზღვავება – მენტიზმი. არჩევენ სინდრომის შემდეგ კომპონენტებს: 1. იდეატორული — აზრების „გახსნილობა“; 2. სენსორული – „ნაძალადევი“ შეგრძნებები; 3. მოტორული – „ნაძალადევი“ მოძრაობანი. შესაბამისად, არჩევენ იდეატორულ, სენსორულ და მოტორულ ავტომატიზმს, ძირითადად აღინიშნება შიზოფრენიის, იშვიათად – ორგანული ფსიქოზების დროს სინონ.: სელიე-კრონფელდის გავლენის სინდრომი. ლევი-ვალენსის გაუცხოების სინდრომი. კლოდის პოლისინდრომი გარეგანი ზემოქმედებისა. ნაირაკის პათოლოგიური ავტომატიზმი, მინიარის ცერებრული ავტომატიზმი