ფორსირებული ნორმალიზაცია ელექტროენცეფალოგრამისა

(Landoldt H., 1955). ელექტროენცეფალოგრამის მონაცემების სწრაფი ნორმალიზაცია (პარაქსიზმული აქტივობის შემცირება ან გაქრობა) ეპილეფსიით დაავადებულთა კრუნჩხვსაწინააღმდეგო მკურნალობის გავლენით, რომელიც შეესაბამება კრუნჩხვითი გულყრების სიხშირის შემცირებას ან მათ სრულ გაქრობას, თუმცა, ამ დროს შესაძლებელია ფსიქოზური მდგომარეობების აღმოცენება (ცნობიერების ბინდისებური დარღვევა, დისფორია, შიზოფრენიისმაგვარი სურათი). ავტორის მოსაზრებით, ეეგ-ის „ნაძალადევი ნორმალიზაცია“ წარმოადგენს ფსიქოზური ეპიზოდების კორელატორს. ს. ჩხენკელის და თ. გელაძის (1979) მონაცემებით, ეს ფენომენი ხშირად აღინიშნება საფეთქლის ფორმის ეპილეფსიის დროს, კლინიკური ფსიქოზური გამოვლინებები კი ამ დროს გამოწვეულია კერის არსებობით ლიმბურ სისტემაში ტვინის ღეროს აღმავალი შემაკავებელი გავლენის შედარებითი უკმარისობისას