ლატა

მწვავე ტრანზიტორული ფსიქოზური აშლილობა. ჩვეულებრივ, აღმოცენდება უეცარი შეშინების შედეგად. ვლინდება მოძრაობითი აგზნება ცინიკური ჟესტებით და მოქმედებებით, კოპროლალიით ან გარშემომყოფთა მოძრაობითი აქტების (ექოპრაქსია), მათი მეტყველების (ექოლალია) იმიტაციის ავტომატური დამორჩილების ფორმით. უმეტესად აღინიშნება ახალგაზრდა ქალებში. ლატა განიხილება ან როგორც კატატონური შიზოფრენიის მწვავე ფორმა, ან როგორც ისტერიული რეაქცია აწეული შთაგონებადობის დროს. ეპილეფსიით დაავადებულებში ლატა აღინიშნება ცნობიერების ბინდისებრი დარღვევის მდგომარეობაში და ვლინდება ავტომატიზებული მოქმედებებით. სტოიმენოვის და რაჩევის (Стоименов И., Раичев И., 1988) მიხედვით, ლ. უნდა განიხილებოდეს როგორც სინდრომი სხვადასხვა ფსიქიკური დაავადებების დროს და არა როგორც ცალკეული ნოზოლოგიური ფორმა. მალაიზიის კუნძულების ადგილობრივ მოსახლეობაში ლატა ითვლება უფრო უჩვეულო ქცევად, ვიდრე დაავადებად