რეფორმიზმი; იდეა იმის შესახებ, რომ რევოლუცია და არსებული კაპიტალისტური პოლიტიკურ-ეკონომიკური წყობილების ძალით დამხობა საჭირო არ არის და რომ ცვლილება თანდათანობით და ძალმომრეობის გარეშე უნდა მოხდეს. რეფორმიზმის პრინციპია სოციალიზმისკენ ისეთი მშვიდობიანი მეთოდებით გადასვლა, როგორიცაა პარლამენტარული მეთოდები და პროფკავშირების შექმნა. რეფორმიზმის პრობლემები ერთ-ერთი მიზეზი იყო, რამაც სოციალისტური მოძრაობის გახლეჩა გამოიწვია მე-19 საუკუნის ბოლოსა და მე-20 საუკუნის დასაწყისში
Source: სახელმწიფო მმართველობის ინგლისურ-ქართული ლექსიკონი / [ავტ.: ელენე დოლაქიძე, რუსუდან კაჭარავა, ქეთევან მამინეიშვილი და სხვ. ; სარედ. კოლ.: თენგიზ გოგელია და სხვ.]. - თბ., 2000. - 168გვ. ; 20სმ.. - თავფ. ქართ. და ინგლ. ენ.. - ბიბლიოგრ.: გვ. V-VI. - [10ლ.], 500ც.