
	English Georgian

The Biographical Dictionary of Georgian Athletes covers Georgians and citizens of Georgia who played an important role in the history of Georgian sport and won at least one prize in any sport competition. The Biographical Dictionary contains winners of Georgian and International competitions, including Soviet Games and Spartakiads.

The project aims at publishing the biographies of all Georgian athletes.

Suggest a Biography

Correction

გიორგი ტონია

Date of birth:	1939 (85 years)
Category:	Rugby

Biography

ქართული რაგბის ერთ-ერთი ბრწყინვალე წარმომადგენელი, სპორტის ოსტატი, საქვეყნოდ აღიარებული ხუროთმოძღვარი, მრავალი ჯილდოსა და პრიზის მფლობელი.

ქართული რაგბის უბადლო ოსტატი გოგი ტონია სამართლიანად ითვლება ჩვენი ეროვნული რაგბის ერთ - ერთ მესაძირკვლედ. მან 1959 წლის შემოდგომაზე თავის მეგობრებთან ერთად საფუძველი ჩაუყარა საუკეთესო გუნდს - საქ. პოლიტექნიკური ინსტიტუტის მორაგბეთა ნაკრებს. უაღრესად ტექნიკური და ჭკვიანი მოთამაშე ყოველთვის გამოირჩეოდა მოედანზე. მას ნათამაშები აქვს თბილისის ყველა გუნდში, არის თბილისის მრავალგზის ჩემპიონი, სსრკ პროფკავშირული გუნდების ჩემპიონატის მესამე ადგილის მფლობელი. ის როგორც მორაგბე, ასევე მწვრთნელიც საუკეთესო იყო. თბილისის "ლოკომოტივის" ისტორია მჭიდროდ არის დაკავშირებული მის სახელთან. ეს გუნდი ერთადერთია მთელ საბჭოთა კავშირში , რომელმაც ყველა ჩემპიონატში მიიღო მონაწილეობა. "ლოკომოტივმა" პირველმა უმასპინძლა სსრკ გუნდებიდან საფრანგეთის პროფკავშირული გუნდების ნაკრებს. ასევე პირველმა იმოგზაურა ევროპის ერთ - ერთ ძლიერ სარაგბო ქვეყანაში რუმინეთში და ბრწყინვალედ ჩაატარა ტურნე. გ. ტონიამ აღზარდა მრავალი ცნობილი მორაგბე, რომელთაც თავიანთი სიტყვა თქვეს ეროვნული რაგბის განვითარებაში.

ის აგრეთვე გამოჩენილი ხუროთმოძღვარია. მისი დაპროექტებულია რამდენიმე მნიშვნელოვანი ნაგებობა ამერიკის შეერთებულ შტატებში,სადაც ამჟამად ცხოვრობს და მოღვაწეობს. იქ, მისი სახლის წინ, ანძაზე ქართული დროშა ფრიალებს.