
	English Georgian

The Biographical Dictionary of Georgian Athletes covers Georgians and citizens of Georgia who played an important role in the history of Georgian sport and won at least one prize in any sport competition. The Biographical Dictionary contains winners of Georgian and International competitions, including Soviet Games and Spartakiads.

The project aims at publishing the biographies of all Georgian athletes.

Suggest a Biography

Correction

გიორგი ნემსაძე

Date of birth:	26 September, 1984 (40 years)
Category:	Rugby

Biography

საქართველოს მორაგბეთა ეროვნული ნაკრების წევრი. სარგბო კარიერა დაიწყო 2000 წელს ქუთაისის „აიაში“, მისი პირველი მწვრთნელი იყო დიმიტრი ფულარია.

თავისი მშობლიური საქართველოდან საფრანგეთში 22 წლის ასაკში გადაბარგდა და კარიერის დიდი ნაწილი ფედერალ 1 დივიზიონის კლუბებში, "დომონში", "მასიში", "მონტობანში" და "ვალანსში" გაატარა. მეორე დივიზიონის "ტარბში" ის 2012 წელს ჩაირიცხა, სადაც ბოლო ოთხი სეზონი გაატარა და 86 მატჩში შვიდი ლელო გაიტანა.

საქართველოს ნაკრების მეორეხაზელი გიორგი ნემსაძე წლევანდელი სეზონის დაწყების წინ ინგლისის პრემიერშიპში დაბრუნებულ "ბრისტოლში" ჩაირიცხა. ინგლისში ცოტა ხნის წინათ ჩავიდა და ორი მატჩი ბრისტოლელთა სათადარიგო გუნდში, "ბრისტოლ იუნაიტედში" ითამაშა. აღსანიშნავია, რომ ნემსაძის გუნდმა ორივე შეხვედრა მოიგო და ორივეში ქართველმა მორაგბემ თითო ლელო მიითვალა.
ნემსაძემ ეროვნულ ნაკრებში 62 კეპი მოიხვეჭა. აქედან 40-ში ძირითად შემადგენლობაში იყო. პირველად მან ეროვნული ნაკრების მაისური 2005 წელს, 21 წლის ასაკში ჩილეს ნაკრებთან მატჩში მოირგო. მართალია, მან 2007 წლის მსოფლიოს თასი გამოტოვა, მაგრამ 2011 და 2015 წლებში საქართველოს ნაკრების ერთ-ერთი წამყვანი მორაგბე იყო. 2008 წლიდან მოყოლებული, ეროვნულ გუნდში 12 ლელო გაიტანა, მათ შორის ირლანდიის ნაკრებთან მატჩში 2014 წელს, რომელიც დუბლინში გაიმართა. ინგლისში გამართულ მსოფლიოს თასზე საქართველოს ნაკრების მიერ ჩატარებული მატჩიდან სამში იასპარეზა.

2015-16 წლებში საკმაოდ კარგი სეზონი ჰქონდა. მან "ტარბის" შემადგენლობაში 18 მატჩში ითამაშა, ორი ლელო გაიტანა, ორჯერ გაუშვეს სინბინში და ერთხელ წითელი ბარათი უჩვენეს. სეზონი საქართველოს ნაკრებთან ერთად ოკეანეთში ტურნეთი დაასრულა, სადაც ქართველებმა ტონგას და ფიჯის მოუგეს, სამოას კი დაუზავდნენ.

პირადი მონაცემები:

დაბადების თარიღი1984, 26 სექტემბერი.
დაბადების ადგილი: საქართველო, ქუთაისი.
სიმაღლე: 196 სმ
წონა: 120 კგ.

Member of Organizations

„ტარბი“ (2012-)
"მეისი" (2009-2010)
„დომონტი“ (2007-2009)
„მონტაუბანი“ (2010-2011)