ძიება
ბიოგრაფიული ლექსიკონი წარმოგიდგენთ როგორც საქართველოს იმ სპორტსმენთა ბიოგრაფიებს, რომლებმაც მნიშვნელოვანი წვლილი შეიტანეს ქართული სპორტის განვითარებაში; აგრეთვე, ერთი პრიზი მაინც მოიპოვეს სპორტულ შეჯიბრებებში. ბიოგრაფიული ლექსიკონი მოიცავს ინფორმაციას როგორც საერთაშორისო შეჯიბრებებში, ასევე ყოფილ საბჭოთა ჩემპიონატებსა და სპარტაკიადებში გამარჯვებულები სპორტსმენების შესახებ.
|
არჩილ მდივანი
დაბადების თარიღი: | 30 ივნისი, 1911 |
გარდაცვ. თარიღი: | 13 სექტემბერი, 1937 (26 წლის ასაკში) |
კატეგორია: | ჩოგბურთი |
ბიოგრაფია
დაიბადა თბილისში. ჩოგბურთელი. პირველი ქართველი სპორტის ოსტატი ჩოგბურთში (1936). სსრკ სამგზის ჩემპიონი წყვილთა თანრიგში (ედუარდ ნეგრებეცკისთან ერთად _ 1934-36). 5 წლის განმავლობაში შედიოდა სსრკ საუკეთესო ჩოგბურთელ კაცთა ათეულში: 1931 (6 ნომერი), 1932 (6), 1933 (6), 1934 (8), 1935 (5). 1932 წლიდან ცხოვრობდა ლენინგრადში და იყო ამ ქალაქის ჩემპიონი ერთეულთა (1935) და წყვილთა თანრიგში (1932, 35-36). ცნობილი ბოლშევიკის ბუდუ მდივნის შვილი. 1937 წლის აპრილში მოსკოვში დააპატიმრეს, 13 სექტემბერს კი ტერორიზმის ბრალდებით გაასამართლეს და იმავე დღეს დახვრიტეს. რეაბილიტირებულია 1957 წელს.
წყარო: ქართული სპორტის ოქროს წიგნი / ელგუჯა ბერიშვილი. - თბილისი:პალიტრა L, 2013. - 210 გვ.
|