ლეილა მესხი

დაიბადა თბილისში. ჩოგბურთელი. პირველი პროფესიონალი ჩოგბურთელი საქართველოში. 1992 წლის ბარსელონის ოლიმპიური თამაშების მესამე პრიზიორი წყვილთა თანრიგში (ნატალია ზვერევასთან ერთად). სსრკ ჩემპიონი (1989). 1990-91 წლებში შედიოდა მსოფლიოს საუკეთესო ჩოგბურთელ ქალთა ოცეულში, საუკეთესო ადგილი მსოფლიო რეიტინგში _ მე-12 (1991 წლის აგვისტო). მონაწილეობა მიიღო "გრანდ სლემის" 23 ტურნირში (56 შეხვედრიდან 33 მოიგო). ითამაშა "დევისის თასის" 9 მატჩში (5 - სსრკ ნაკრებში, 4 - საქართველოს ნაკრებში). მოგებული აქვს ჭთA ტურის 5 ტურნირი: ნეშვილის (აშშ) - 1989; ოკლენდის (ახალი ზელანდია) და მოსკოვის (სსრკ) - 1990; ველინგტონის (ახალი ზელანდია) - 1991; ჰობარტის (ავსტრალია) - 1995. სულ ჭთA ტურნირებში გამართული 357 შეხვედრიდან 223 მოიგო. 1995 წელს თბილისში დაარსდა მისი სახელობის ჩოგბურთის აკადემია. 1998 წლიდან საქართველოს ჩოგბურთის ფედერაციის პრეზიდენტია. ღირსების ორდენის კავალერი.

 წყარო: ქართული სპორტის ოქროს წიგნი / ელგუჯა ბერიშვილი. - თბილისი:პალიტრა L, 2013. -  212 გვ.