ჯუმბერ წიკლაური

ჯუმბერ წიკლაური მიეკუთვნებოდა იმ გამოჩენილ ქართველ წყალბურთელთა რიცხვს, რომლებმაც წყალბურთი სპორტის ეროვნულ სახეობად აქციეს და მას საქვეყნოდ გაუთქვეს სახელი. ნოდარ გვახარიასთან, გივი ჩიქვანაიასთან, ლერი გოგოლაძესთან, ირაკლი ჩხიკვაძესთან, ოთარ მიმინოშვილთან და იმ პერიოდის სხვა გამოჩენილ წყალბურთელებთან ერთად ჯუმბერ წიკლაური მრავალი წლის განმავლობაში ქმნიდა თბილისის დინამოს და საქართველოს ნაკრების სახელოვან ისტორიას ძირითადი დამცველის და პლეიმეკერის სახით. სპორტული კარიერის დასრულების შემდგომ, მან მთელი თავისი ცხოვრება დაუკავშირა წყალბურთს და როგორც თბილისის დინამოს და საქართველოს ეროვნული ნაკრების მწვრთნელმა ღირსეული წვლილი შეიტანა ამ გუნდების ყველა წარმატებაში. რამდენიმე წელი ჯუმბერ წიკლაური სათავეში ედგა ქუვეითის ეროვნულ ნაკრებს. ის შესანიშნავი მეგობარი და ყველა ღონისძიების სათავეში მდგომი ადამიანი იყო.