ვლადიმერ გურგენიძე

დაიბადა თბილისში. აკრობატიკა, მწვრთნელი.  სსრკ ჩემპიონი ახალგაზრდებს შორის (1975). მწვრთნელად მუშაობა ახალგაზრდულ ასაკში, აქტიური სპორტიდან წასვლამდე დაიწყო. საქართველოს ნაკრების მთავარი მწვრთნელი (1975-92), სსრკ ნაკრების მწვრთნელი (1978-90). მისი აღზრდილები არიან მსოფლიოსა და ევროპის ჩემპიონები: მანანა მნათობიშვილი, ნანა კიკილაშვილი, მაია შილაკაძე, ინგა გიორგობიანი, ნატალია ანისიმოვა, სვეტლანა მკრტიჩიანი, ირინა ოვოიანი, სვეტლანა მაკარიჩევა და ლიუდმილა გლაზუნოვა. ქართველთაგან ყველაზე ახალგაზრდას (22 წლისას) მიენიჭა სსრკ დამსახურებული მწვრთნელის წოდება. 1992 წლიდან კარიერა რუსეთში გააგრძელა და იქაც დიდ წარმატებებს მიაღწია: მსოფლიოსა და ევროპის ჩემპიონის ტიტულები მოაპოვებინა ამ ქვეყნის სახელით მოასპარეზე არაერთ სპორტსმენს. მათ შორისაა მისი ვაჟი რევაზ გურგენიძე. საერთაშორისო კატეგორიის მსაჯი.

წყარო: ქართული სპორტის ოქროს წიგნი / ელგუჯა ბერიშვილი. - თბილისი:პალიტრა L, 2013. -  333 გვ.

• "ბურევესტნიკი" თბილისი