რომეო ღვინიაშვილი

   გამოჩენილი ქართველი მორაგბე, სპორტის ოსტატი, ღირსების ორდენის კავალერი.

   რაგბის ეზიარა საქ. პოლიტექნიკური ინსტიტუტის მორაგბეთა ნაკრებში. 1964 წლიდან ის თბილისის "დინამოშია" . ამავე გუნდში ის 1966 წელს პირველ საკავშირო ჩემპიონატში ვერცხლის მედლის მფლობელი გახდა. სპორტული კარიერა რომამ "ლოკომოტივში" გააგრძელა "ლოკომოტივმა" "დინამოდან" პირველი გუნდის ესტაფეტა მიიღო და საბჭოთა სინამდვილის ბოლომდე ატარა. ამ გუნდმა "დინამოდან" რამდენიმე ვარსკვლავიც გადაიბირა. 

   რ. ღვინიაშვილი მრავალი სპორტული ჯილდოს მფლობელია. სპეციალურად დაწესებული პრიზებიც ხსირად მოუპოვებია. სსრკ-ს 30 საუკეთესო მორაგბეს შორის სიაში მრავალჯერ დაუსახელებიათ. იგი ამჟამადაც ვარჯიშობს და ვეტერანთა მატჩებშიც ხშირად იღებს მონაწილეობას.

• "დინამო" თბილისი (1966-)
• "ლოკომოტივი" თბილისი (1968-)

• 1968 - მესამე ადგილი, სსრკ ჩემპიონატი. მოსკოვი
• 1966 - მეორე ადგილი, სსრკ ჩემპიონატი. თბილისი