ირაკლი კიზირია

   საუკუნის მორაგბედ აღიარებული ირაკლი კიზირია დაიბადა 1941 წლის 14 აგვისტოს. რაგბის თამაში დაიწყო 1962 წელს. თამაშობდა ჯერ საქ. პოლიტექნიკურ ინსტიტუტში, 1964 წლიდან თბილისის "დინამოში". მას ეკუთვნის თავისებური რეკორდიც - ითამაშა 15 სეზონზე მეტი და ყოველთვის კაპიტანი იყო. მისი რეკორდია აგრეთვე, ერთ თამაშში 98 ქულის მოპოვება (ბაქოს "დინამოსთან"). ეს რეკორდი ჯერ არავის გაუმეორებია, არა მხოლოდ საქართველოში, არამედ ევროპის მოწინავე ქვეყნებშიც კი.

  საქ. ჩემპიონატების მრავალგზის გამარჯვებული, სსრკ ჩემპიონატის ვერცხლის პრიზიორი (1966 წ.) "დინამოს" საკავშირო პირველობის ოთხგზის ჩემპიონი, "ლოკომოტივის" საკავშირო პირველობის ჩემპიონი, "ბურევესტნიკის" საკავშირო პირველობის ვერცხლის პრიზიორი.

სსრ კავშირის სპორტის ოსტატი 1972 წლიდან.

• "დინამო" თბილისი (1966-)
• "ლოკომოტივი" თბილისი (1972-)
• საქართველოს ვეტერან მორაგბეთა კავშირი, პრეზიდენტი

• 1966 - მეორე ადგილი, სსრკ ჩემპიონატი. თბილისი