ნოდარ ყიფიანი

  სსრ კავშირის სპორტის ოსტატი, საქ. დამსახურებული მწვრთნელი, რესპ. დამსახურებული ინჟინერი, სახელმწიფო პრემიის ლაურეატი. სსრ კავშირის ჩემპიონატის მეორე (1967) და ორგზის მესამე (1963, 1968) პრიზიორი.

  ნ. ყიფიანი და ქართული რაგბი სპორტის ამ სახეობის ქომაგებში განუყოფლად ასოცირდება. სწორედ მან და მისმა მეგობრებმა ჩაუყარეს საფუძველი პირველ ქართულ გუნდს - საქ. პოლიტექნიკური ინსტიტუტის ნაკრებს. იგი მოედანზე ყველაფრით გამორჩეული გახლდათ, თუნდაც თავისი აღნაგობით და მომხიბვლელობით. თამაშობდა თავდასხმაში და იქაც ბადალი არ ჰყავდა. ის ყოველთვის ლიდერად გვევლინებოდა. 60-იანი წლების ბოლოს მწვრთნელის ამპლუაშიც მოგვევლინა. მისი თავკაცობით "ლოკომოტივმა" ორჯერ სსრკ პირველობაზე ბრინჯაოს მედლები მოიპოვა. ნოდარ ყიფიანმა მრავალი ქართველი მორაგბე აღმოაჩინა და გამოაწრთო, მისი აღზრდილები საუკეთესოები იყვნენ, როგორც საქართველოში, ისე საბჭოთა კავშირის ნაკრებშიც. ის ასევე არის წარმატებული ინჟინერი და იღწვოდა მრავალ მნისვნელოვან პოსტზე და დღესაც ჭარმაგი ათლეტი აქტიური სპორტული ცხოვრებით ცხოვრობს. აგრეთვე გახლავთ უმნიშვნელოვანესი იდეების ავტორიც და განმახორციელებელი. სწორედ ამიტომაც გახდა სახელმწიფო პრემიის ლაურეატი.

• "განთიადი" თბილისი
• "ლოკომოტივი" თბილისი
• "სპარტაკი" თბილისი
• "სპი" თბილისი

• 1968 - მესამე ადგილი, სსრკ ჩემპიონატი. მოსკოვი