ზურაბ ხარშილაძე

  დაიბადა თბილისში. მორაგბე (ჰავბექი, 9 ნომერი) სსრ კავშირის ჩემპიონატის მეორე (1967) და ოთხგზის მესამე (1968, 1972, 1978, 1981) პრიზიორი და ტასის მფლობელი (1978). სსრკ ნაკრების წევრი (1975). სსრ კავშირის სპორტის ოსტატი, 70 წლების გამორჩეული ათლეტი, მრავალი სპორტული ჯილდოს მფლობელი.

  ზურაბ ხარშილაზე - რაგბიში ცნობილი ზედმესახელით "ვობლა", ნამდვილად წარმოადგენს ქართული რაგბის მშვენებას. მისი განუმეორებელი რეიდები, ზღაპრული ფინტები დღესაც ახსოვთ რაგბის თაყვანისმცემლებს. იგი "ლოკომოტივის" ღირსებას იცავდა და ამ გუნდის მაშინდელი წარმატებებში დიდი წვლილი მიუძღვის. 

  ეს გამორჩეული ვარსკვლავი ქართული რაგბის ისტორიის ოქროს ფონდშია. დღეს ბატონი ზურაბი ცნობილი ექიმია, მაგრამ რაგბის ვერ ელევა. ის აქტიურად მოღვაწეობს საქ. რაგბის კავშირში და თავდაუზოგავად იღწვის ქართული რაგბის აღმავლობისთვის.

• "ლოკომოტივი" თბილისი (1968-1972)
• "ნალჩიკი"

• 1978 - სსრ კავშირის თასი, სსრკ ჩემპიონატი. თბილისი
• 1972 - მესამე ადგილი, სსრკ ჩემპიონატი. მოსკოვი
• 1968 - მესამე ადგილი, სსრკ ჩემპიონატი. მოსკოვი