ავთანდილ ღიბრაძე (კაპიტანი)

  გამოჩენილი ქართველი მორაგბე, სსრ კავშირის სპორტის ოსტატი, ღირსების ორენის კავალერი.

  ცნობილი ქართველი ათლეტი, ლოკომოტივის თავდამსხმელი დაიბადა თბილისში. რაგბის თამაში 1973 წლიან დაიწყო. მალე გუნდის კაპიტნად აირჩიეს და 1990 წლამდე ამ გუნდის თავკაცი იყო. ასეთი ფაქტი იშვიათობას წარმოადგენს და ალბათ არც ყოფილა ამ სახეობის სპორტის ისტორიაში. აქვე უნდა ავღნიშნოთ, რომ მან კაპიტნის სამკლაური თავის ვაჟს, ალეკოს გადაულოცა.

  ბატონი ავთო "ლოკომოტივთან" ერთად 1978 და 1981 წლებში გახდა პირველობის ბრინჯაოს პრიზიორი. ხოლო სსრკ თასის პირველი გათამაშების ფინალში (1976) მიიღო მონაწილეობა. სამწუხაროდ მაშინ "33ა"-სთან 6:10 დამარცხდნენ. თასის ფინალში "ლოკომოტივი" 1978 წელსაც გავიდა და ამჯერად მოსკოვის "სლავას" შანსი არ დაუტოვა. გაიმარჯვეს 30:3 და ვერცხლის თასსაც დაეუფლნენ. ეს იყო ქართული რაგბის დიდი გამარჯვება, "ლოკომოტივის" ყველა წარმატებაში ძალზე დიდია მისი ლეგენდარული კაპიტნის ღვაწლი.

  რაგბიდან წასვლის მერე მან ერთი წუთითც ვერ გაძლო რაგბის გარეშე. ის აქტიურად თანამშრომლობს, როგორც საქ. რაგბის კავშირში, ისე ვეტერან მორაგბეთა კავშირშიც. ცნობილი ექიმი მორაგბეებზე თავდაუზოგავად ზრუნავს. ყველა მატჩის დროს იგი მზადაა ოპერატიული დახმარება გაუწიოს ტრავმირებულებს.

• "ლოკომოტივი" თბილისი (1978-)

• 1978 - სსრ კავშირის თასი, სსრკ ჩემპიონატი. თბილისი