ვასილ ილურიძე

დაიბადა თბილისში. თავისუფალი სტილის მოჭიდავე, მწვრთნელი. (61 კგ). სსრკ პირველ ჩემპიონატში გამარჯვებული (1945), სსრკ ჩემპიონატების სამგზის მეორე (1948, 51, 52) და ოთხგზის მესამე (1947, 49, 50, 54) პრიზიორი თავისუფალ ჭიდაობაში, მეორე პრიზიორი (1947) ბერძნულ-რომაულ ჭიდაობაში, საერთაშორისო სტუდენტური თამაშების ორგზის ჩემპიონი (1949, 51), ბუდაპეშტის საერთაშორისო ტურნირში გამარჯვებული (1952), სსრკ ნაკრების წევრი (1945-52). იყო საქართველოს თავისუფალი სტილით მოჭიდავეთა ნაკრების უფროსი მწვრთნელი და სსრკ ნაკრების მწვრთნელი (1960-68). მისი აღზრდილები არიან ვლადიმერ რუბაშვილი და შოთა ლომიძე. სსრკ დამსახურებული მწვრთნელი, საერთაშორისო კატეგორიის მსაჯი. გარდაიცვალა მოსკოვში 1972 წელს.

წყარო: ქართული სპორტის ოქროს წიგნი / ელგუჯა ბერიშვილი. - თბილისი:პალიტრა L, 2013. -  328 გვ.

• "ბოლშევიკი" თბილისი (1945-1948)
• "ისკრა" თბილისი (1951-1954)

• 1954 - მეორე ადგილი, სსრკ ჩემპიონატი. ბაქო
• 1952 - მეორე ადგილი, სსრკ ჩემპიონატი. ბაქო
• 1951 - მეორე ადგილი, სსრკ ჩემპიონატი. თბილისი
• 1948 - მეორე ადგილი, სსრკ ჩემპიონატი. მოსკოვი
• 1945 - პირველი ადგილი, სსრკ ჩემპიონატი. ლენინგრადი