რამაზ შენგელია

დაიბადა ქუთაისში.ფეხბურთელი (თავდამსხმელი). თამაშობდა ქუთაისის “ტორპედოში” (1973-76), თბილისის “დინამოში” (1977-88), “ჰოლმსუნდში” (შვედეთი, 1989). სსრკ ნაკრებში ჩაატარა 26 მატჩი (10 გოლი). მსოფლიოს ჩემპიონატის მონაწილე (1982), ევროპის ჩემპიონი ახალგაზრდებს შორის (1980). სსრკ უმაღლეს ლიგაში ითამაშა 283 მატჩი (120 გოლი). ევროპის თასების მფლობელთა თასის გათამაშებაში გამარჯვებული (1981). სსრკ ჩემპიონი (1978), სსრკ ჩემპიონატების მეორე (1977) და მესამე (1981) პრიზიორი. სსრკ თასის მფლობელი (1979) და ფინალისტი (1980). სსრკ წლის საუკეთესო ფეხბურთელი (1978, 81), საქართველოს წლის საუკეთესო სპორტსმენი (1981). სსრკ საუკეთესო ბომბარდირი (1981). “ფრანს ფუტბოლის” გამოკითხვაში დაიკავა მე-7 ადგილი (1981). გრიგორი ფედოტოვის სახელობის “ასიანთა კლუბის” წევრი (161 გოლი _ საუკეთესო შედეგი ქართველ ფეხბურთელებს შორის). სსრკ სპორტის დამსახურებული ოსტატი. ღირსების ორდენის კავალერი.

წყარო: ქართული სპორტის ოქროს წიგნი / ელგუჯა ბერიშვილი. - თბილისი:პალიტრა L, 2013. -  197 გვ.

• "დინამო" თბილისი (1977-1978)

• 1978 - პირველი ადგილი, სსრ კავშირის ჩემპიონატი
• 1977 - მეორე ადგილი, სსრ კავშირის ჩემპიონატი