ნოდარ ახალკაცი

დაიბადა თბილისში. ფეხბურთი, თავდამსხმელი. თამაშობდა თბილისის სკვო-სა (1957-59) და “ლოკომოტივში” (1960-66). იყო თბილისის “ლოკომოტივისა” (1967-70) და “დინამოს” (1976-83, 1985-86) მთავარი მწვრთნელი, სსრკ ნაკრების მწვრთნელი (1981-82), თბილისის “დინამოს” გუნდის უფროსი (1974-75), საქართველოს სპორტკომიტეტის ფეხბურთის სამმართველოს მთავარი მწვრთნელი და უფროსი (1971-74), საქართველოს ფეხბურთის ფედერაციის პირველი პრეზიდენტი (1990-98). მისი ხელმძღვანელობით თბილისის “დინამომ” მოიპოვა ევროპის თასების მფლობელთა თასი (1981), სსრკ ჩემპიონობა (1978) და თასი (1976, 79), იყო სსრკ ჩემპიონატების მეორე (1977) და მესამე (1976 – გაზაფხული, 1976 შემოდგომა, 1981) პრიზიორი. სსრკ და საქართველოს დამსახურებული მწვრთნელი. გარდაიცვალა მოსკოვში.

წყარო: ქართული სპორტის ოქროს წიგნი / ელგუჯა ბერიშვილი. - თბილისი:პალიტრა L, 2013. -  331 გვ.

• "დინამო" თბილისი

• 1978 - პირველი ადგილი, სსრ კავშირის ჩემპიონატი
• 1977 - მეორე ადგილი, სსრ კავშირის ჩემპიონატი